Sasho ZS

My new Photography webpage is launched :)

2010-05-31T15:31:00.000+02:00

Hi all,

I just launched my new photography and art website, so I just wanted to share the address with all of you... So if you want to see some beautiful photos, you are welcome @ http://www.photo-art.50webs.com/

LHC ја постигна целта на своето постоење

2009-11-24T11:18:00.002+01:00

21-11-2009 - LHC е повторно активиран (како побогу немаше пак паника?)

24-11-2009 - денеска - утрово LHC за прв пат ја постигна целта за која е изграден - изврши судир на протони :)

11:12 - овој момент - па јас пишувам за ова? Значи го преживеав „армагедон“-от кој го предвидуваа скептиците? :)

Ги молам сите научници по душа да прослават заедно со мене во приватност на најблиското друштво со чашка алкохол, сокче или кафенце.

п.с. Се молат верниците да тркнат до црква и да запалат свеќа на неколку светци што се потрудија тие како мене (шо јадефме лајна базирани на квантна теорија и математика) да бидат во право, а скептиците (шо јадеа лајна базирани на бабини деветини и блесави неиздржани математики) - да НЕ бидат во право :)

Најди го Скопјанецо

2009-05-01T22:23:00.001+02:00

Пред недела дена беше случкава, ја документирав и си реков, да ја објавам по повод годишнина од блогов, демек, за 3 годишен роденден... Е сега се забајф малку, ама ние Прилепчани велиме:

АКО Е ЗАБАЕНО, ДА НЕ Е ЗАБОРАЕНО.

Поентата е, да се најди кој е скопјанец од паркираниве...

...ако не ви се гледа убо, еве и од подруг агол...

Ако сте скопјани, сигурно уште не приметивте... Сите коли, освен скопската се паркирани во бележаниот простор. (небесно плавиот Фиат на првата слика е скроз до линија) Еве, попрецизно...

ај... че науча... па после че не примат во ЕУ ;-)

Веронаука - НЕ, благодарам!

2009-04-24T09:32:00.004+02:00

Никако не ми е јасно зошто се крена толкава фама за веронауката? За почеток, според мене тоа беше одвишен предмет. Тогаш кога сакаа да ја воведат, родителите се бунеа дека и безтоа децата веќе учат премногу глупости на училиште, а деновиве, медиумите ни ги перат мозоците како родителите штрајкувале за да не се укинува веронауката.
Хм.... Веронаука? Па незнам како можи еден дел од „митологија“ да го извадиш во одделна книга и да го крстиш „веронаука“? Еве, јас овде гласно сакам да кажам: НЕ САКАМ МОИТЕ ДЕЦА ВО УЧИЛИШТЕ ДА ИЗУЧУВААТ НЕКОЈА ГЛУПОСТ НАРЕЧЕНА „ВЕРОНАУКА“!!! Верската определба е лична работа на секоја единка. Дали моето дете ќе сака да биде следбеник на некоја религија и која, е само негова одлука. Не можам и НЕ СМЕАМ ниту јас, ниту државата да влијаеме на таква лична одлука на нашите деца.
Многу е просто. Уште од мал, бев воспитуван како христијанин. Но кога пораснав, увидов дека религијата, односно црквата е само -политичка партија- која е вечно на власт. Црквата е БИЗНИС за свештените лица, и немој сега некој по коментари да ми кажува дека не е така, зошто има милион примери за ова и повеќе сум од сигурен дека секој од вас знае поп кој направил „грев“ пред негови или очите на негов близок. Секој од вас знае најмалку еден поп кој пред да биде поп одел пеш, возел точак или некое скапано фичо (ок, било каква кола стара над 25 години), ама одкако станал поп вози нов мерцедес, ситроен, bmw или шо и да е, ама над 20 евро камења. Точно?
Некни за Велигден бев во „Стара Црква“ во Прилеп. Од многу поодамна имам приметено, ама еве ја користам приликава да го кажам ова. Над „светите“ икони пишува „Не ставајте пари на светите икони. Ставајте ги во корпињата“... Демек, да не се разбериме грешно... Да не си помисли некој дека не треба да се оставаат пари. Така? А ако се спомни фискализација на црквата, тогаш одма свештениците очи со крстовите копаат. Така? Како тоа да смееме да имаме увид во тоа, која тешка пара се врти во „божјите храмови“?
А и „верниците“ се криви. Јас пари на икона не се сеќавам да сум ставил уште во времето пред да станам атеист. Која е поентата? Религијата те учи да не го цениш материјалното, туку духовното. А со оставањето на пари на икона, вршиш класичен случај на мито. Го поткупуваш светецот? Која е поентава не ми е јасно? А да не спомнувам (сигурно секој од вас си има некој за пример) дека има еден куп (пред се богати, бизнисмени...) кои низ животот СВЕСНО прават гревови и грешки, па после одат секоја Недела во црква палат свеќи и се клањаат до земја, редат икони... А изгледа никој не им објаснил дека џабе ти покајание, ако упорно продолжуваш намерно да грешиш...
Историја на религии веќе држи малку место. Тука веќе зборуваме за Светските култури од дамнешни времиња па до денес. Тука веќе се учи за феноменот -религија-.
Туку, ми се смачи да пишувам, а инаку и книга можам да напишам на оваа тема. Да скратам и да понудам едноставно решение (ок, смејте се, знам дека во оваа држава в очи да му кажуваш на оној кој одлучува е џабе... ама мое е да си кажам, па кој како сака...)

„Веронаука“ би можело да се изучува во приватни училишта - факултативно. Да бе, исто како гитара, тенис, англиски јазик, германски јазик... И за да биди фер, државата да ги покрива трошоците за ова (оти инаку пак овие од СДСМ че измислат некоја мана, не дека вака нема да најдат проблем, ама нејсе... во крвта им е...)
А откако по една година или две, ќе се увиди дека наставата ја посетуваат 235 деца на ниво на држава (иако неколку илјади „родители“ штрајкуваат), ќе се фино лепо укине и намали и тој трошок на државата...

Им благодарам за читањето на сите кои ме поддржуваат.
Им честитам што издражаа да прочитаат до крај, на сите оние кои НЕ ме поддржуваат.

Bless you ;-)

Без презервативи

2009-04-06T19:24:00.001+02:00

Ок, на Македонски пишува "Без конзерванси", ама не сум знаел дека на конзерванс на англиски се вика презерватив... Сигурно кога американциве спремаат зимница имаат тежок проблем... Одат на бакалница и и` велат на продавачката: "I need preservative..." оваа му подава кондоми (нормално), па ја корегираат, "No, I need food peservatives, you know... to preserve a food..." :-) Лудница...

Windows 7 - Разгледување

2009-03-27T14:28:00.001+01:00

Разгледување на beta верзијата на Windows 7

Повелете >>

Сашо З. С. WEB - ReCoded

2009-03-12T12:19:00.001+01:00

Е па, еве ја мојата WEB страна - ReCoded :)

Веќе не се отвора воопшто самиот MKD.NET, па се селев... Најмногу време одзеде шо сега е целосно прекодирана во HTML без PHP... Ама зато сега е побрза, и полесна (пред се за компјутерот на посетителот)... Продолжуваме напред со исто темпо како пред да заринка MKD.NET...

Се повеќе (НЕ)задоволни корисници на ОнТел

2009-03-06T09:43:00.000+01:00

Овој пат кратко... Откако почнав да се тегнам по бирократијата на ОнТел, сфатив дека не сум единствениот незадоволен корисник. И не само тоа, туку најзабавниот дел е што досега немам сретнато задоволен корисник. Имено, дури и ако некој бил задоволен на почетокот, по краток период на користење на нивните услуги (да речеме неколку месеци), необично се преобразува во НЕЗАДОВОЛЕН корисник.

Имено, мои пријатели веќе подолг период се корисници на безжичниот Интернет на ОнНет. Квалитетот на услугата е ОК, но бирократијата убива. Неколку пати во рок од 18-тина месеци се исклучени поради неплатени сметки, само што сметките се платени, а тоа не е ажурирано од операторот... За да биде поинтересно, секој ваков НИВНИ пропуст резултира со прекин на услугите во рок од 1 до 2 месеци (за кои ОнНет праќа фактури, иако не добиваш услуга и тоа поради НИВНА ГРЕШКА). Сега моите пријатели едвај чекаат да им измине договорот за да го раскинат... Но при крај се со нервите и можно е да не дочекаат... "Будала јас што го продолжив договорот, си рекоф, ајде, се случува грешка, ама од тогаш глава немам кренато од нив... Како не го раскинав тогаш кога можев..." е од прилика неговата изјава...

Инаку бидејќи последнава седмица сум многу почест посетител на застапникот за ОнНет во Прилеп, ја имав честа да приметам дека БУКВАЛНО НИТУ ЕДНАШ не сретнав задоволен корисник. Кога и да појдам има уште еден или двајца како мене, незадоволни, кои потврдуваат дека исто така, кога и да појдат, ако има некој клиент, тука е за да се буни за нешто...

Просто Прилепски кажано: Прилепска такси компанија со 3 возила, без книговодител, функционира 100 пати подобро од ОнНет и одговара на барањата на клиентите многу побрзо...

Е па, секоја чест...

Ако сте го пропуштиле мојот случај со ОнТел, повелете овде (само ако кликнувате бидете спремни за текст колку "Војна и мир")

OnNet - карате (a.k.a. DuoDark)

2009-02-27T15:23:00.001+01:00

Се сеќавате пред неколку години кој најгласно плукаше по тогашниот "Телеком", кој беше во монополска позиција? Ај да Ви помогнам малку... Една пресна фирмичка, која беше надежен интернет провајдер, со огромен ентузијазам да си влези во игра и во полето на телекомуникациите... Една со портоалови кружници под своето име во логото... Истата таа што на времето имаше веб портал со најголем број на посети на ниво на Македонија... Истата фирма што денес се рекламира со каратисти (иако не можам да ја најдам логиката, рекламирање на телекомуникации и интернет, со карате удари, кревање тегови и слично...) Ама... Забегав, не ми беше тоа муабетот. Туку, истите тие, кои на времето плукаа по Телеком, денес се СТРАШНИ... Пораснаа во малку поголемо фирмиче, кое голем дел од услугите кои ги продава, всушност ги дистрибуира за (порано ним најмразената фирма) Телеком (или сегашен Т).

Е па сакам малку да се навратам на тоа, како се однесуваат ОнНет, фирмата која се самопрогласи за светец (светиња) и преродбеник на Македонските Интернет и телекомуникации...

При крајот на Октомври 2008 приметив многу примамлива понуда од ОнНет. Се викаше DuoLite и содржеше 200 минути разговор кон фиксни телефони низ Македонија и 10 GB Интернет сообраќај при 4 Mbit брзина со ADSL технологија, и сето ова за цена од околу 1060 ден. месечно. Појдов кај нивниот Прилепски застапник и си потпишав договор. Околу 10-ти Ноември, ми се јавија од застапништвото и ми кажаа дека договорот е одобрен и треба да појдам да си ја земам опремата за поврзување на Интернет. Појдов, зедов, поврзав и се` си беше супер, се` додека по околу две седмици не ми стигна писмо со известување од ОнНет. Известувањето беше дека ми е вклучена само Интернет услугата, но не и телефонијата. Односно, телефонот сеуште ми функционира на Т-Хоме. Се разбира, цената на фактурата која ќе ја добијам, ќе биде намалена на околу 600 ден. со вклучен данок... Но, мене ова не ми одговараше бидејќи ќе добијам фактура од Т на околу 1000 ден. и фактура од ОнНет на околу 600 ден., значи вкупно околу 1600. Со оваа математика, можев да поврзам АДСЛ од Т, уште пред неколку години. Нејсе, кренав телефон и се јавив во Инфо центарот на ОнНет. Муабетот се одвиваше од прилика вака:

-Здраво, имам потпишано договор за ДуоЛите, но сте ми пуштиле само Интернет услуга.

-Да господине, моментално имаме технички проблеми и не можеме да Ви ја овозможиме телефонијата, моментално телефонот Ви работи на Телеком.

-Добро, ама нели тоа значи дека јас ќе добијам фактура од Телеком за телефонот, и фактура од ОнНет?

-Да, ама нашата фактура ќе биде намалена на околу 600 ден. со вклучен данок...

-Супер, ама не ми одговара така, освен ако Вие не ми ја платите фактурата од Телеком.

-Ама, не може тоа...

-Знам дека не може, затоа Ве барам. Сакам да ја исклучите Интернет услугата се` додека не ми овозможите телефонската услуга да биде кај вас. Јас потпишав договор за ДуоЛите што содржи Интернет и Телефонија и не можам и не сакам да плаќам две сметки. Затоа штом можете да ми ја овозможите комплетната услуга, овозможете ја, а до тогаш исклучете ја Интернет услугата.

-Ама, додека е вака, ќе плаќате само за интернет, нема да добивате полна фактура.

-Значи, Ве разбирам. Само не сакам да ја плаќам скратената фактура, која е фактура за Соло10. Немам таков договор и затоа барам Интернет услугата времено да се исклучи, додека не сте во можност да ми ја овозможите комплетната услуга.

-Во ред, ќе пренесам...

И остана јас да очекувам да ми го исклучат Интернетот, ама тоа упорно не се случуваше... Па на 30-ти Ноември реагирав со електронска порака која ја пренесувам во целост:

----------------

Почитувани,

На 26-11-2008 сте пратиле известување дека нашиот DUO Lite пакет не е целосно активен, односно дека привремено е активна само Интернет услугата, но не и телефонската услуга. Што значи дека нашиот телефон сеуште функционира во мрежата на Македонски Телеком АД, поточно T-Home. Ова известување, го праќате на крај на месецот и уште во знак на извинување кажувате дека ќе ни наплатите само 499 денари +ДДВ.

Според мојата математика, T-Home ќе ми наплати САМО 1000 денари сметка овој месец и вашите само 600, вкупно само 1600. Така???

ЖАЛАМ, ама за 1600 денари можев да го мигрирам пакетот во T-Home и да добијам поефтин телефон, како и 25 GB Интернет трансфер + бесплатен wireless Tomson уред. Значи ќе ме кошта поскапо, само за парите за интернетот да дојдат кај вас??? Проверете го нашето барање (на име на xxxxxx xxxxxx, ул. xxxxx xxxxxx - Прилеп)! Таму се бара комплетна услуга, телефонски приклучок + интернет ВО ПАКЕТ наречен DUO Lite!!! Нема да платам воопшто, за било каква некомплетна услуга! Згора на сето, нема логика, ниту шанса да платам полна сметка за Интернет кој го добив околу 10-ти во месецот! Односно, сметката за Интернетот за 11-ти месец според мојата математика треба да изнесува 400 денари со вклучен ДДВ, со оглед на датумот на активирање на услугата.

Па уште и ми кажувате дека вака ќе продолжиме додека ВИЕ не си ги решите техничките проблеми?! Извинете, ама не сум глуп, ако плаќам 1600 ќе плаќам во T-Home за подобра опрема, поголем трансфер и подобри телефонски услуги, не кај Вас. Ако не сте биле способни да си го завршите Вашиот дел од договорот, не е мој проблем. И ако не можете ова веднаш да го решите, кажете веднаш и да го раскинеме договорот!

Накратко, одберете сами:

1. Да ја платам сметката на T-Home, НО НЕ И ВАШАТА

2. Да ја платам ВАШАТА, но ВИЕ ДА ЈА ПЛАТИТЕ МОЈАТА СМЕТКА ОД T-Home

Доколку не добијам прецизен одговор која од наведените постапки сакате да ја извршам, како и детали како ќе се одвива процесот ако ја одберите втората постапка, лично ќе постапам по првиот начин, при што веданаш ќе побарам раскинување на договорот поради нецелосно извршување на истиот ОД ВАША СТРАНА. Наплатата на ВАШАТА сметка??? Слободно тужете ме, НЕМА да ја платам.

--------------------------------

Се разбира, останаа неми на оваа порака... Не добив одговор...

Ама добив дури 2 фактури, едната за Ноември (скратена, на 400 ден., оти од 10-ти почна услугата, а за Декември, полна...) Нормално (за мене) бурно реагирав, се јавив и ми беше кажано дека требало ова да го побарам на писмено... На што одговорив дека пратено е на писмено, само изгледа нема никој писмен за да го прочита... Уште вечерта добив одговор на мојот e-mail. Еве:

----------------------

Pochituvani,

Vashata reakcija od ovoj dopis e prenesena do nadleznite oddeli za da moze da dobiete pokonkreten odgovor kako shto barate. Ovaa e-mail adresa e nameneta za informacii okolu uslugite koi gi nudime.

Za dopolnitelni informacii Ve molime javete ni se vo Info Centarot na 02/181.

So Pochit,

--------------------

Се разбира, надлежните оддели до ден денешен не дадоа одговор... Инаку уште веднаш се заинтересирав кој е надлежен за решавање на мојот проблем, оти заборавиле тоа да го кажат...

-----------------

Почитувани,

Потполно разбирам дека Инфо Центарот не е задолжен за решавање на проблеми како мојот, како што сте приметиле. Но, сепак сте заборавиле да ми пренесете КОЈ е надлежен, како и на која e-mail адреса треба да реагирам директно кај "надлежните" (белким не е nadlezni@on.net.mk :) ). Патем, ја користам приликава уште еднаш да реагирам, бидеќи сте ми доставиле 2 фактури на кои имате побарување за средства за овозможената врска. Уште еднаш ве потсетувам дека истите НЕМА да бидат платени, бидеќи се однесуваат на "SOLO 10" пакет, што е услуга која во ниту еден момент ја немам побарано, а со тоа немам ниту обврска да ја плаќам истата. Услугата која ја побарав е "DUO LITE" пакет кој (да ве потсетам) содржи Телефонска линија со 200 мин. вклучен разговор кон ОнТел и другите фиксни оператори во Македонија и 10 GB Интернет сообраќај со гарантирана брзина од 4 Mbit. Овој договор сеуште не е остварен од Ваша страна (иако според истиот требаше да заврши миграцијата во рок од 30 дена). Потполно ве разбирам дека имате технички проблеми кои ви ги создава Телеком и договорот НЕ ГО РАСКИНУВАМ бидеќи имам разбирање за наведените проблеми... Но истовремено, имајте разбирање и самите и немојте да се обидувате да ми наплатите за услуга која не ја барам (во овој случај SOLO 10 пакет).

Срдечен поздрав,

---------------------------

Треба да спомнам??? Не добив одговор... па решив да ги потсетам на 26-ти Декември...

----------------

Почитувани,

бидеќи сеуште ми немате напишано e-mail адреса од одговорните или надлежните, копија од оваа порака праќам на претпоставени адреси и до нив, па ако сум згрешил и не сум успеал точно да претпоставам ни една, Ве молам направете ми ја повторно истата услуга од минатиот пат и препратете ја Вие кај нив.

Се работи за ваша грешка... Или можеби не се го разбрале добро мојот претходен допис. Имено, на secure.on.net.mk сеуште стои заостанат долг од моја страна кон вас... Според цените се работи за Solo10 пакет (за каков што имам добиено и hard copy фактури), но ваков долг немам кон вас, бидеќи немам поднесено барање за Solo10 пакет. Инаку точно е дека пред околу 2 месеци поднесов барање за DUO Lite пакет, кој сеуште чекам да биде активиран.

Ве молам оваа неисправност веднаш да ја регулирате и да го избришете долгот кој го немам остварено кон вас.

п.с. Ако Вие не сте надлежни за ова, Ве молам forward-ирајте го овој маил кај "надлежните" и конечно кажете ми ја нивната адреса.

-----------------------------

Пак не добив никаков одговор... Ама добив фактура за Јануари и тоа на полна сума од 1060-ина денари... Но телефонската линија сеуште беше кај операторот Т. И повторно морав да реагирам... Појдов и побарав раскинување на договорот. Немав веќе нерви да ги трпам, а и самите не се придржаа на ниту една ставка од договорот (кој културно гласи дека сите услуги треба да бидат активни во рок од 30 дена од потпишувањето)... Неверојатно... Немаше реакција, туку во тек на Февруари господата си ја превзеле линијата кај нив... Решив да ги смирам односите, па пратив последен пат e-mail во кој понудив компромис...

--------------

Почитувани,

Најпрво назначувам FORWARD-ирајте го овој маил до НАДЛЕЖНИТЕ, бидејќи нема да дозволам повеќе да ме изигрувате на телефон дека се на состанок или на незнам кој друг начин недостапни. Вака сигурно ќе прочитаат веднаш штом ќе бидат достапни.

Реагирам по незнам кој пат по ред за договорот на име "xxxxxx xxxxxx" - Прилеп. Ќе се обидам да бидам максимално културен и да најдам компромис за проблемот кој го имам со ОнТел, но за последен пат. Следниот пат ќе се обидам да бидам максимално безобразен и нема да Ви пишувам Вам, туку ќе испратам дописи до медиуми (како ИдиВиди, Дневник, Шпиц, А1, Сител... накратко, до секој медиум што ќе ми падне на памет, бидеќи верувам дека со дел од нив сте пријатели/партнери, но сигурно не со сите).

Значи се работи за следново. Во тек на Ноември, склучив договор со ОнТел за ДуоЛите пакет, кој вклучува телефноски услуги (со платен разговор кон фиксната телефонија во Македонија од 200 минути) и Интернет со количина од 10 ГБ при брзина од 2 МБит месечно. Околу 10-ти Ноември, добив опрема и Интернет Врска. Притоа, телефонска услуга не добив (за ова не бев известен). Дознав дека телефонот ми е кај стариот оператор (Т Хоме) дури на почеток на Декември, кога добив известување од ОнТел за тоа. Веднаш реагирав во вашиот инфо центар со барање Интернет услугата ВЕДНАШ да биде прекината и повторно овозможена заедно со телефонската услуга, бидеќи побарав ДуоЛите пакет, а не Соло 10. Вие останавте глуви на ова барање и покрај што ми одговоривте дека ова ќе биде решено. По кратко време повторно реагирав (бидејќи добив фактури за Ноември и Декември од ОнТел, и се разбира, добив фактура од Т-Хоме). Вториот пат, Ве известив дека претходно имав побарно да ја исклучите овозможената услуга која не ја побарав бидејќи нема да платам фактура за нешто што не сум го побарал, а Вие ми одговарате уште и со фактура за плаќање однапред за следниот месец. Исто така, понудив опција (која знаев дека нема да ја прифатите), да ми ги плаќате Вие сметките од Т-Хоме додека не ја овозможите услугата телефон, а јас да Ви ги плаќам фактурите за Интернет. Се разбира и понатаму останувавте глуви на моите барања, комплетно ме игнориравте, па дури и се дрзнавте да ми пратите полна фактура на 1060 ден. за месец Јануари, кога сеуште не беше овозможена услугата телефон. Повторно се јавив и Ве известив, па после "љубезниот" разговор со вашиот оператор, појдов кај вашиот застапник во Прилеп и потполнив приговор за раскинување на договорот. Верувале или не (само ова е ОнНет-овото, а не Риплиевото), повторно комплетно ме игнориравте и по 1 месец откако побарав раскин на договорот ја префрливте услугата телефон кај вас.

Бидеќи сакам да бидам максимално културен, нудам компромис. Сторнирајте ги фактурите до Јануари 2009-та, ова испратете ми го писмено. Ви давам чесен збор дека заклучно со Февруарската фактура (значи почнувајќи од Февруари) редовно ќе ги плаќам фактурите. Ако овој компромис не Ви одговара, барам Веднаш да ги исклучите сите услуги кои ми ги дистрибуирате и сопственоста како на телефонската линија, така и на АДСЛ каналот веднаш да ја вратите во Телеком. Се разбира, сите изминати фактури нема да ги платам, односно ќе морате да ме тужите, но нема ниту еден основ по кој би добиле таква парница... Во секој случај ова повторно е културна опција. Ако не Ви одговара ниту една од наведените опции, ќе направам се што е во моја сила максимално да го турнам угледот на ОнНет пред јавноста и тоа пред се` со тоа што мојот случај детално ќе го опишам и испратам до секој медиум во Македонија кој ќе ми падне на памет.

Се обидов да стапам во контакт со "надлежните" во ОнНет, но операторите од Инфо центарот никогаш не се осмелија да ми дадат никаков контакт со нив, ниту број на телефон, ниту адреса на електронска пошта... единствено ми беше речено, јави се во Инфо центарот, ние ќе Ве поврзиме... А кога се јави мојата сопруга (не можев лично, ми се поклопува работното време со нивното), се обидовте да ја изманипулирате, со тоа што сте и кажале дека ќе ја префрлите, а по 2-3 минути сте одговориле дека надлежните се на состанок и не знаете до кога ќе бидат на состанок. И приказната можеби би била продадена, ако "интелигентната" операторка притиснела Flash, но таа само ја оставила слушалката на маса :-) Па добро бе, мислите дека ако вчера влеговте во канцеларија и научивте како се користи централа, никој не знае??? Можеби тоа Вам ви е нешто ново, но нам ни е застарена технологија и таквата постапка ја сметаме за навреда на интелигенција. Пробале да ме "возат" и многу поискусни од вас... ПРОБАЛЕ! Но не успеале... Зошто мислите дека Вие ќе успеете? Ако имате барем малку искуство, би требало да знаете да прецените кога некој може да го "извозите", а кога за некого сте "стара прича"...

Се надевам дека ќе бидете расположени да најдеме компромис, бидејќи ниту ми е во интерес да губам време туркајќи ви го рејтингот, ниту вам Ви е во интерес истото, како и да изгубите сеуште потенцијален клиент.

-----------------

НЕ, И НА ОВА НЕ ДОБИВ ОДГОВОР... Само фактура за Февруари, која веднаш и си ја платив (бидејќи во тек на Февруари го добивав она што го побарав - ДуоЛите). Но како одговор на платената сметка добив прекин на Интернет и телефонска услуга (во еден правец) по неколку дена. При платена сметка за Февруари...

Низ сите овие електронски пораки, незнам колку телефонски разговори пропуштив да спомнам. Се разбира и по прекинот на услугите се јавив во Инфо Центарот, каде упорно се обидуваа да ми докажат дека треба да си ги платам сметките... Прашував дали требаше сам да појдам и да си го исклучам Интернетот од кај нив... Дури тогаш ми кажаа дека за да ја исклучат Интернет услугата, требало да направам писмено барање кај нивниот дистрибутер во Прилеп... А претходните незнам колку пати ова не знаеја да ми го кажат... На крај, не можеа да ме истрпат и ми спуштија слушалка... Бидејќи сум поголем идиот од нив, повторно се јавив и побарав да ми се јават одговорните или надлежните следниот ден, бидејќи кога и да ги побарам се на состанок и слично, што нема врска (да не се повторувам објаснето е во преносот од електронските пошти)...

Моментално имам статус кво... Телефон во еден правец, без интернет. Одговорните и надлежните не ме побарале до моментов... Кај дистрибутерот во Прилеп ми дадоа број за контакт за деловни корисници, на кој го добив... токму така... инфо центарот...

Што планирам? Не плаќам ништо во иднина... Модемот ќе го продадам или искористам за АДСЛ на Т-Хоме. Чекам ОнНет да ме тужи за сметките, па да се разбериме пред суд. Очекувам во секој момент да ми го "скинат" блогот sashozs.blog.com.mk / zsblog.blog.com.mk, но бидејќи согледав ваква глупост, се преселив по со време на sashozs.blogspot.com... Ним силата им е во раката, ако сакаат нека бришат... Баш ми е гајле, само уште еднаш ќе се покажат колку им досига интелегенцијата... (а можеби за да испаднат мудри и нема да го избришат блогот... всушност, баш ми е гајле, ајде ќе чекам да видам што ќе се случи)...

Одам да си побарам нова линија на Т-Хоме... А ОнНет нека чека да им платам... :-) Знам, новата линија ќе ме чини колку и неплатените сметки на ОнНет, ама нема да дозволам да ме прават со сила ненормален...

Е сега... Одлучете сами каде... Кај неквалитетните кабелски оператори? Кај ОнНет дистрибутерот на Т? Или директно кај Т? Јас, како што приметивте, после сите маки, на крајот пак си го одбрав Т. Немам подобар избор во моментов...

Бидете ми поздравени и внимателни... ;-)

Technorati : квалитет, корисничка поддршка, односи со јавност

Del.icio.us : квалитет, корисничка поддршка, односи со јавност

Zooomr : квалитет, корисничка поддршка, односи со јавност

Flickr : квалитет, корисничка поддршка, односи со јавност

Кабловски професионализам

2009-02-10T23:02:00.000+01:00

Добро, како поднаслов, ќе го крстиме ова "Како НЕ СЕ ПОВРЗУВА кабел"...

Планирав за денеска нешто друго да пишувам, ама појдов на гости и си излезе сама темата за која е време да се пишува :)

Имено, многу пријатели ми фаворизираат де еден кабелски оператор во Прилеп, де друг... Моето ФИКСНО мислење е: Ниту едните се професионалци, ниту другите... Напротив, толку се аматери и двата оператори и тоа и на полето на Интернет, и на полето Телевизија... За телевизијата во друг наврат, сега сакам да обратам внимание на Интернетот, и тоа не како квалитет на услугата, туку само ќе воочам една од првите работи кои секому паѓаат в очи. Самиот кабел.

Знам дека сега многу Прилепчани едвај чекаат да кажам за кој оператор зборувам во специфичниов случај, но нема да ја кажам таа информација од проста причина што и другите се сосем исти... Толку се исти, што кога ова би го читале и едните и другите, освен евентуално по локацијата на последната слика, нема теоретски шанси да се препознаат дали се работи за самите нив, или се другите :)

Па да почнеме...

Означениот кабел е УТП кабелот кој дистрибуира Интернет до компјутерот. Колку "професионално" е наместен УТП конекторот нема да коментирам (заборавив да го сликам, па да не чукам празна слама). Како што гледате, нема прицврстување ни со класична шелна (чини 1 денар и 4-5 удари со чекан за да се закова во дрвениот рам од прозорецот), ниту пак има некаква стега, која ќе обезбеди фиксирање на кабелот од внатрешната страна, во случај на истегнување од надвор...

...да , токму така, не е фиксирано ни однадвор :)

Да видиме понатаму...

...уау, се погрижиле за истегнувањето, има околу 20 метри екстра кабел (не трескам, реално приближната должина е таа)... па ако на комшиката од горе и` падне јорганот преку нашиов кабел, има доволно за до приземје. Само... нели ова предизвикува загуби во сигналот??? Незнам за каков кабел се работи, но ако нема оплет, овој кабел совршено би создавал интерференција сам на себе, од сопствениот сигнал...

...и најпосле...

...околу 30 метри кабел без ниедна потпирна точка од бандера до тераса? И ова наместено на околу 7 степени надворешна температура? Значи, летово нашиов кабел може да им смета на комшиите од подолниот кат...

И сега имам неколку прашања:

Прашање за моите пријатели: Дали сеуште мислите дека нашиве Прилепски оператори нудат квалитетна услуга?

Прашање до операторите: Знам дека најважно Ви е само да ги земето парите... Денес, на секој бизнисмен очигледно само тоа му е важно. Ама...

1. Како е можно да не ви изгледа невкусно сето ова?

2. Колку ви се зголемува профитот (а, колку Ви се намалува) со тоа што не местите switch на самата зграда, од каде може кабелот да се пушти по многу покултурен пат, а истовремено до тој switch кабелот може да стигне по многу покултурен пат?

И до општината: Претпоставувам дека ова ми е точно адресирано, ако не, препратете...

Кој им дава дозвола на нашиве кабловци да ни провиснуваат кабли по небото, во време кога во цел Свет сето ова оди подземно?

Патем, ако веќе мора да се решава вака, делете им барем прирачници за: етика и естетика и пропишете соодветни казни за тие што не се придржуваат до тие прирачници...

Па, до пред некои 10 години, Прилепското небо беше полно со чафки, а сега... незнам... чафки можеби има (додуша за ова се погрижи општината и најде начини и средства да ги иссели чафките, рака на срце), ама... не сум сигурен дали има чафки или не... не можам да видам... кога и да го насочам погледот нагоре, заглавувам на кабли... попречен сум...

Technorati : интернет, кабелска, кабелски, поврзување

Del.icio.us : интернет, кабелска, кабелски, поврзување

Zooomr : интернет, кабелска, кабелски, поврзување

Flickr : интернет, кабелска, кабелски, поврзување

На екскурзија

2009-02-09T20:14:00.000+01:00

Вчера бевме малку на екскурзија, до манастирот Св. Петка, Лениште. Нема да раскажам впечатоци, само ќе споделам со вас 8 од сликите кои ги направив таму, па ако како што велат, сликата вреди 1000 збора, исто како да сум напишал пост од 8 000 збора :)

Ако сликите побудат интерес во Вас за местото, се наоѓа на излезот од Прилеп, кон Плетвар. Сигурно Прилепчани го знаат "Ленишки Мост", е па токму пред него се врти десно, има знак. Ако доаѓате од другата страна (од Скопје, Велес или Кавадарци на пример) тогаш, веднаш после мостот лево... На нешто помалку од 2,5 километри пред клучката на влезот од Прилеп...

За подетално заинтересираните, Google Earth в раце и еве координати: Ленишки Мост, латитуда: 41°21'53.27"N, лонгитуда: 21°36'26.80"E. Манастир Св. Петка - Лениште, латитуда: 41°21'32.66"N, лонгитуда: 21°37'37.63"E

Делење на Интернет конекција

2009-01-24T22:40:00.002+01:00

Најчесто кога сакаме да поделиме Интернет конекција, сакаме да ја поделиме меѓу 2 компјутери. Ова го прави инвестирањето во switch малку голема инвестиција. Освен тоа, често конекцијата е ограничена на само 1 (една) MAC адреса, па ова оневозможува користење на истата конекција на повеќе компјутери.

Овде ќе објасниме како најлесно да се раздели Интернет врската со користење на 2 мрежни картички (првата веројатно е интегрирана и активна на вашиот компјутер, а втората, се купува од продавница за околу 300 денари).

(вака изгледа, да не ве излажат :) )

Отакако вградивте втора мрежна, останува правилно поврзување... Бидеќи малку е незгодно да сликам кај мене (на незгодно место е, да не се олцнам во сликањето :) ), позајмив една слика од Интернет...

Во нашиот случај Lan Card 1 останува поврзана со кабелот на кој добиваме Интернет (значи од ADSL модемот или од кабелскиот оператор), додека Lan Card 2 се поврзува со вториот компјутер/лаптопот или Wireless Access Point-от. Овој начин на делење нема смисла ако имате рутер, освен ако сте лимитирани на MAC адресата на компјутерот... Во случај на потреба од промена на MAC адреса на некоја картичка, повелете овде "Промена на MAC адреса".

После ова, само треба на Интернет конекцијата да кликнете со десен клик и од менито да изберите Properties, па на страничката Advanced да ја чекирате (штиклирате) опцијата "Allow other network users to conect through this computer's Internet connection". Потоа од паѓачкото мени "Home networking conecction" изберете ја картичката која треба да го предава Интернетот до другиот компјутер/лаптопот/wireless access point-от... И тоа е тоа...

Треба да знаете:

-Врската меѓу двата компјутери се прави со мрежен кабел, поврзан со cross-over начин. Ако поврзувате Wireless Access Point на втората мрежна картичка, би требало да користите кабел, поврзан со strait начин. (најлесно е кабелот да го купите, но ако инсистирате да го направите сами, а не знаете како, google-ајте и ќе научите што значат спомнатите поими и како се прави кабелот. п.с. можеби во иднина ќе објавам и водич за тоа... можеби...)

-Картичката која ќе го дели интернетот, автоматски ќе ја добие IP адресата 192.168.0.1

-Вториот компјутер, треба да има адреса 192.168.0.x (каде x е било кој број од 2 до 255)

-Gateway адреса на вториот компјутер се мести 192.168.0.1

-Доколку операторот не ви дал адреси на DNS сервери, стандардните DNS сервери на T-Home се 62.162.32.5 / 62.162.32.6 и 62.162.32.9 и можат да се користат независно од операторот преку кој сте поврзани на Интернет.

Забелешка: Се шпекулира дека овој принцип на делење на конекцијата не функционирал на Прилепски Кабелнет. Немам пробано и не знам дали ова е точно, но би ценел ако некој од Вас проба и го каже своето искуство во коментар.

Среќно делење...

Македонија - Грција (a.k.a. Gay-ce) 1:1 (засега)

2009-01-22T00:42:00.002+01:00

Последниве денови многу популарно видео на YouTube беше "Fuck Greece (lele kolku tazen sum)..." Или, отприлика, ова:

И не мислев да објавувам ништо во врска со него. Баш си беше ОК, немаше потреба да кревам џева. Арно ама денеска, покажувајќи го на пријатели, приметив дека одеднаш мистериозно го снема... А имаше преку 48 100 прегледи... Малку се помачив и го најдов со "kolku tazen sum", ама сега како објавено 7 месеци, без рејтинг (инаку 5 ѕвездички) и без коментари, каде што грците јадат гомна, а Македонците освен што им го начукуваат сосе јајца, истото им го прават и холанѓани, американци и други не Македонски државјани...

Заклучок: Некое грчко педерче работи во YouTube и се труди да го зачува газето на својата педерска држава... Ама ние сме големи... Се надевам дека додека се сетат, ќе добијат мнооогу поголем број на прегледи...

Е па сега сме можеби 1:1, ама ние сме упорни дечки (и девојки), кликајте и правете прегледи, ширете го линков низ Интернет:

http://www.youtube.com/watch?v=V-DwpDJ3Srs

(ова за copy/paste) http://www.youtube.com/watch?v=V-DwpDJ3Srs (ова за copy/paste)

НАВАЛЕТЕ!!!

Менување на MAC адреса

2009-01-16T19:01:00.010+01:00

Можеби сте се запрашале, како да си ја смените MAC адресата? Или не? Веројатно, повеќето кога го читаат ова, се прашуваат себе си, зошто би имале потреба некогаш да ја сменат MAC адресата? Можеби многумина се прашуваат и „Што е тоа MAC адреса?“... Па, да почнам по ред...

1. Што е MAC адреса? - MAC адреса, е физичка адреса на мрежните картички, која е зададена од производителот и е непроменлива. Нешто слично како IMEI на мобилните уреди. Или барем тоа треба да биде...

2. Зошто би имале потреба да ја смените MAC адресата? - Пред се, поради нефер кабловски оператори, кои го ограничуваат користењето на Интернет-от на само

еден компјутер. Има и други причини поради кои некој би сакал да ја промени оваа адреса, ама тоа не ни е сега тема на разговор...

Туку да поминам на главното. Како?

Еве како, во кратки црти:

Отворете командна конзола. Ова наједноставно се прави со клик на Старт копчето, па избирате Run... и во полето пишувате "cmd" без наводниците и притискате Ентер. Друг начин е преку Start -> All Programs -> Accessories -> Command Prompt

По ова, ќе Ви се отвори командната конзола, која најчесто ја викаме DOS или DOS Prompt...

Тука, зададете ја наредбата "ipconfig /all" и притиснете Ентер, по што ќе добиете информации за сите мрежни картички во компјутерот, заедно со нивните MAC адреси. Најдете ја посакуваната мрежна картичка (ако имате повеќе) и запишете ја моменталната адреса, за подоцна да можете да ја вратите.

Kако што се гледа на сликава, стрелката покажува на името на мрежната картичка, додека тековната MAC адреса е заокружена...

2. Одете на My Computer и кликнте со десното копче. Од менито кое ќе се отвори, изберете ја опцијата Manage. Ова ќе отвори прозорче за менаџмент на системот.

Од левата страна има дрвест преглед на опции, каде под System tools треба да одберите Device Manager, па на десната страна најдете

ја ставката Network adapters и под неа, најдете ја соодветната мрежна картичка. Кликнете два-пати врз неа (или кликнете со десното копче, па одберете Properties)...

По ова, ќе се отвори ново прозорче, со својствата на мрежната картичка.

Тука, изберете ја страничката Advanced. Најпрвин кликнете на својството Network Address, потоа изберете го радио-копчето Value, во полето напишете ја посакуваната адреса (мора да биде составена од 6 HEX сегменти со вредност помеѓу 00 и FF, значи 12 знаци кои можат да бидат бројки од 0

до 9 и букви од A до F).

Кликнете на Ok и тоа е тоа...

Вратете се на командната конзола и зададете ја повторно командата "ipconfig /all", за проверка...

Се разбира, сега ја имате новата адреса за оваа картичка.

Ако сакате повторно да ја вратите својата оригиналана адреса, само вратете ја опцијата на Not Present. Ако случајно ова не ја врати вашата оригинална адреса, внесете ја рачно во полето (најпрвин ја запишавме оригиналната, бидеќи се случува понекогаш истата да не може автоматски да се врати).

Барем во Прилеп, сведоци сме на безобразен однос од некои кабелски оператори кои обврзуваат користење на Интернетот само на еден компјутер. Со ова трикче, можете да го поврзите и користите нивниот интернет и на друг компјутер (се разбира, ќе мора на другиот компјутер да креирате конекција со вашето име и лозинка).

Исто така, често пати можат да ви кажат дека вашата MAC адреса е зафатена, или дека мрежната картичка ви е „кодирана“ или „неисправна“... Не трчајте по нова, туку замолете ги да причекаат и безобразно (како што и тие се однесуваат) сменете ја MAC адресата пред нивни очи и замолете ги да се обидат повторно...

Промена на MAC адресата на рутер е исто така возможна, но ова засега го немам пробано и незнам дали тоа би овозможило користење на рутер за делење на Интернетот.

Се надевам дека за брзо ќе се створи хаос со MAC адресите во градов и конечно тоа ќе ги вразуми операторите. Време е да сфатат дека продаваат Интернет и не е нивни проблем дали ние го користиме на 1 или на 100 компјутери.

p.s. Ако ова Ви изгледа тешко, или случајно драјверот на вашата мрежна картична не вклучува можност за промена на MAC адресата, пробајте со некоја од овие БЕСПЛАТНИ АПЛИКАЦИИ кои едвај Ве чекаат да ги симнете:

http://tmac.technitium.com/tmac/index.html

http://www.codeproject.com/KB/applications/MacIdChanger.aspx

http://www.klcconsulting.net/smac/

Или, едноставно, кликнете овде за автоматски да изгуглата многу повеќе на оваа тема:

http://www.google.com/search?hl=en&fkt=8606&fsdt=15698&q=mac+address+changer&btnG=Google+Search&aq=0s&oq=mac+adress+

Среќно...

Wireless Transmission of Electrical Energy

2009-01-14T10:03:00.002+01:00

Wireless Transmission of Electrical Energy is a dream since the time of Nikola Tesla... Eversince, a lot of people tried to achive it, but a very few actually did it...

Here is a succsessfull attempt...

http://www.youtube.com/watch?v=n1l0HftFRIw

A weblink with the details is included in the video, but here it is, so you wouldn't have to type it manually in to your browser:

http://www.ar2r.50webs.com

http://www.ar2r.mkd.net

-----

Безжичен пренос на електрична енергија е сон од времето на Никола Тесла. Одтогаш наваму, многумина пробале да го постигнат, но многу малку всушност успеале...

Еве еден успешен обид...

http://www.youtube.com/watch?v=n1l0HftFRIw

Адресата ја има во видеото, но еве ја и овде, за да не морате да ја типкате во вашиот пребарувач:

http://www.ar2r.50webs.com

http://www.ar2r.mkd.net

Cleaning the CPU cooler

2007-07-26T15:08:00.000+02:00

-Does your CPU cooler look like this?
-If it does, then it DOES need cleaning. As you can see, a dusty film covers the passive cooler, and thus disables the air-flow through it. That results in increasing of the temperature, instead of cooling.
-How can you detect this, without opening your PC case? Simply, a PC with a dusty cooler like this one, usually works very unstable, turns off by itself, and can refuse to be turned on (for 15 to 30 minutes, until the CPU cool down a bit). If this "dust film" isn't removed soon, the electro-lit condensers around the CPU get dry, and in time the motherboard can become unusable. So, solve the problem as soon as possible, or it might cost you expensive.

-How to solve the problem?
-At first, check if the PC is under warranty. If it is, then just contact the seller. They should tell you what should be done further. If not, read on :-)
Take what you need:
1 x vacuum cleaner
1 x brush (not too small, but not too big. A paint brush may do the job.)
1 x screwdriver (possibly, some PCs have tool-less opening design)

Unplug the PC, and place it in the middle of a clean desktop, or on the floor. Plug the vacuum cleaner, and turn it on, at middle vacuuming). Using the brush, carefully get rid of the dust while cleaning the dust with the vacuum. Do the process until the "dust-film" is completely removed. This way you can clean the whole inside of the PC, but be very careful. The vacuum cleaners a always hungry for electronic components, so don't get them too close to them :-)
Close the PC case, and connect it back, as before.

Warnings:
-Do not get too close with the vacuum cleaner to the electronic components. A strong vacuum cleaner easily may take them off their place :-)
-Do not play with the vacuum cleaner and the active cooler. It sure buzzes in an interesting way, but it bay break it.
-Be gentle with the brush, it can easily damage the components.

Legal notice: I, in no way take responsibility for any damage that can be caused, either to the PC, or you. If you are not sure what you are doing, leave this job to a trained professional.

If you liked this post, please click here to support me writing hardware oriented posts. It will open an ad.

Blog Under Construction

2007-07-24T23:15:00.000+02:00

Hi,

This is the first post. I would like to welcome you to my blog. At the moment, I'm just checking settings, and "hard" tuning, the blog. But, expect my first blog post very soon.
What would this blog be about? I really can't describe. My first blog (http://zsblog.blog.com.mk - the blog is in Macedonian language) is simply about everything. Starting from fun and jokes, through some really serious posts and posts about how to earn money on-line, to computer hardware... Literally everything...

So welcome again, thanks for visiting, and check my blog again soon.